اگر آپ کبھی کروشیا کا سفر کریں تو سمندر کی سحر انگیز موسیقی ضرور سنیں جو ایک 230 فٹ آرگن پر بجائی جاتی ہے۔
حیران مت ہوں۔ دراصل یہ کروشیا کے شہر زدار میں سمندر کنارے تعمیر کی گئی سیڑھیاں ہیں جنہیں موسیقی کے آلہ آرگن کی طرز پر تعمیر کیا گیا ہے۔
- Advertisement -
اس میں آرگن ہی کی طرح سوراخ ہیں جبکہ اس کے اندر مختلف چیمبرز بنائے گئے ہیں۔
جب پانی ان سیڑھیوں سے ٹکراتا ہے تو وہ ان سوراخوں کے اندر داخل ہوجاتا ہے، جو ہوا کے ساتھ مل کر ایک سحر انگیز اور پراسرار سی موسیقی تخلیق کرتا ہے۔
چنانچہ ہم کہہ سکتے ہیں کہ یہ فطرت کی تخلیق کی جانے والی موسیقی ہے۔
اس وسیع آرگن کو ایک مقامی ماہر تعمیر نکولا بیسک نے 2005 میں بنایا تھا۔
سی آرگن کے نام سے مشہور یہ جگہ فطرت کے دلدادہ افراد کا پسندیدہ مقام ہے۔
