The news is by your side.

Advertisement

آئین، ملک و قوم کو گالیاں د ینے والوں سے بات ہوتی ہے، ثروت اعجاز قادری

سنی تحریک کے رہنما ثروت اعجاز قادری کا کہنا ہے کہ پاکستان، آئین، پارلیمنٹ اور عوام کو گالیاں دینے والوں سے بات چیت ہوتی ہے کیونکہ سب ان سے ڈرتے ہیں ۔۔ لگتا ہے قانون صرف طاقتور لوگوں کی حفاظت کے لیے ہے، وہ نشتر پارک میں جانثاران مصطفیٰ کانفرنس سے خطاب کررہے ہیں۔

نشتر پارک کراچی میں منعقدہ ”پاکستان بچاؤ جانثاران مصطفیﷺ کانفرنس“ سے خطاب کرتے ہوئے ثروت اعجاز قادری نے کہا کہ پاکستان کی خارجہ پالیسی امریکا، سعودیہ اور دیگر ممالک کے ادارے بناتے ہیں ان کا کہنا تھا کہ ربیع الاول کے بعد سنی تحریک مہنگائی اور دہشتگرد تنظیموں کے خلاف اپنے حتمی لائحہ عمل کا اعلان کرے گی اور تحریک کا آغاز کیا جائے گا۔اور 12 ربیع الاول تک ملک بھر میں لوڈشیڈنگ کا خاتمہ کیا جائے۔

ہم عوامی تحریک کی 6 جنوری کی ہڑتال کی مکمل حمایت کرتی ہے۔ انہوں نے کہا کہ اگلے سال تک ممتاز قادری کا فیصلہ نہ ہوا تو اس کا فیصلہ اب سنی خود کریں گے۔ انہوں نے کہا کہ جو لوگ پاکستان کے زبان، مذہب، لسان، مسلک کی بنیاد پر ٹکڑے کرنا چاہتے ہیں ان کا احتساب ہونا چاہیئے۔

آج تک عدالتوں نے نشتر پارک اور سنی تحریک کے قائد کے قتل کا سوموٹو نہیں لیا لیکن اب نئے چیف جسٹس آف پاکستان سے امید ہے کہ وہ سانحہ نشتر پارک پر سوموٹو ایکشن ضرور لیں گےکانفرنس سے خطاب کرتے ہوئے صاحبزادہ شاہ اویس نورانی نے کہا کہ پاکستان کو 65 سال قبل ہمارے علماء کرام اور مشائخ عظام نے حاصل کیا اور اس کا نام بھی اکابرین نے رکھا ہے۔

 

Print Friendly, PDF & Email

Comments

comments

یہ بھی پڑھیں