The news is by your side.

Advertisement

آئینی طور پراحتجاج سب کا جمہوری حق ہے، الطاف حسین

کراچی: ایم کیو ایم کے قائد الطاف حسین نے کہا ہے کہ آئین کے دائرے میں رہتے ہوئے احتجاج سب کا جمہوری حق ہے، طاہر القادری کے خلاف سیاسی مقدمہ درج نہ کیا جائے۔

کراچی میں ملک کی سیاسی صورتحال پر متحدہ رابطہ کمیٹی، صوبائی و قومی اسمبلی، سینیٹرز اور سی ای سی ممبران پر مشتمل پارلیمانی پارٹی کے اجلاس سے الطاف حسین نے خطاب میں حکومت کو مشورہ دیا کہ ٹھنڈا پانی اور دہی کھائے تاکہ غصہ بھی ٹھنڈا ہوجائے اور احتجاج بھی ہوجائے ۔

متحدہ کے قائد کا کہنا تھا کہ ملک سیاسی ہلچل کا شکا ر ہے،حکومت نہ دھونس ،دھمکی سے کام لے اور نہ ہی طاہر القادری کو سیاسی بنیاد پر گرفتار کیا جائے،الطاف حسین نے احتجاج کرنے والوں سے کہا کہ احتجاج آئینی دائرے میں رہتے ہوئے کیا جائے، ساتھ ہی یہ بھی کہے ڈالا کہ جس دن ایم کیو ایم کی لاٹری کھلی،بارہ مئی سمیت الزامات لگانے والوں سے حساب اور انتظامی یونٹ قائم کرنے کا اعلان کیا جائے گا ۔

الطاف حسین کا کہنا تھا کہ آج کے حکمران خود لانگ مارچ کرتے رہے اور آج اسکی مخالفت کر رہے ہیں، ایم کیو ایم کے قائد نے کہا کہ شہر میں فرقہ وارانہ ٹارگٹ کلنگ روکنے کے لیے رابطہ کمیٹی کردار ادا کرے اور اسکے لیے ٹیمیں بنائی جائیں ،انھوں نے رابطہ کمیٹی اور اراکین اسمبلی کو ہدایت دی کہ گھومنا پھرنا بند کرکے عوامی مسائل کو اسمبلی میں اٹھائیں اور ایک ہفتے میں رپورٹ پیش کریں ۔

 

Print Friendly, PDF & Email

Comments

comments

یہ بھی پڑھیں