site
stats
بزنس

آئی ایم ایف نے پاکستان کیلئے51کروڑ80 لاکھ ڈالر قسط کی منظوری دیدی

واشنگٹن :  آئی ایم ایف نے پاکستانی معیشت پر اظہارِ اطمینان کردیا اور اکیاون کروڑ اسی لاکھ ڈالر کی قسط منظوری دیدی ، رقم پیر تک پاکستان کو مل جائیگی۔

انٹرنیشنل مانیٹری فنڈ نے پاکستان کیلئے51 کروڑ80 لاکھ ڈالر قسط کی منظوری دیدی ہے، یہ منظوری واشنگٹن میں ہونے والےآئی ایم ایف کے ایگزیکٹوبورڈ اجلاس میں دی گئی۔

اس طرح آئی ایم ایف نے پاکستانی معیشت کا چھٹا جائزہ مکمل کرلیا ہے۔

آئی ایم ایف نے پاکستان سے کہا ہے کہ وہ معاشی اصلاحات کاعمل جاری رکھے، آئی ایم ایف نے دوہزار تیرہ میں پاکستان کیلئے6 ارب70کروڑ ڈالر کے توسیع فنڈ پروگرام کی منظوری دی تھی۔

وفاقی سیکریٹری خزانہ ڈاکٹر وقار مسعود کے مطابق پروگرام کی ساتویں قسط کی رقم پیر تک پاکستان کے اکاؤنٹ میں منتقل ہوجائیگی، جس سےملکی زرمبادلہ کے ذخائر ساڑھے 16ارب ڈالر سے تجاوز کر جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top