The news is by your side.

Advertisement

آئی جی غلام قادرتھیبو القاعدہ برصغیرنامی تنظیم سے بے خبر

کراچی : القاعدہ برصغیر کی کاروائیوں سے بے خبر ایڈیشنل آئی جی غلام قادر تھیبو نے شہر میں کالعدم تنظیموں کے نیٹ ورک کا اعتراف کرلیا ہے۔

ایڈیشنل آئی جی کراچی غلام قادر تھیبو کو ذمہ داریاں سنبھالے آٹھ ماہ ہوگئے ہیں، لگتا ہے ابھی تک اعلی افسر شہر میں موجود دہشتگرد تنظیموں سےلاعلم ہیں۔

کراچی کے علاقے نارتھ ناظم آباد قلندریہ چوک پر ناکارہ بنائے جانے والے بم پر تحریر القاعدہ برصغیر نے شہر میں نئی دہشتگرد تنظیم کے سرگرم ہونے کا خدشہ ظاہر کر دیا ہے۔

ایڈیشنل آئی کراچی کا کہنا ہے کہ  القاعدہ برصغیر نامی کسی تنظیم کی شہر میں موجودگی کا علم نہیں، غلام قادر تھیبو نے اعتراف کیا کہ شہر کے حساس علاقوں میں کالعدم تنظیموں کا نیٹ ورک موجود ہے۔

کراچی میں جاری ٹارگٹڈ آپریشن کو انیس ماہ ہوگئے ہیں، سیکیورٹی اداروں کی یومیہ کارروائیوں میں درجنوں دہشتگردوں کی گرفتاری اور بھاری تعدادمیں اسلحہ برآمدگی کے دعوے کئے جاتے ہیں مگر شہر کراچی میں ذخیرہ شدہ بارود اوردہشتگرد شاید سلیمانی ٹوپی پہنے ہوئے ہیں ،جو اب تک سیکیورٹی اداروں کی گرفت میں نہیں آسکے ہیں۔

Print Friendly, PDF & Email

Comments

comments

یہ بھی پڑھیں