The news is by your side.

Advertisement

آئی جی نے ذوالفقار مرزا کی سیکیورٹی درخواست کی مخالفت کردی

کراچی : سندھ حکومت اور آئی جی نے ذوالفقار مرزا کی سیکیورٹی کی درخواست کی مخالفت کردی۔

ہائی کورٹ میں ذوالفقارمرزا کی سیکیورٹی سے متعلق درخواست کی سماعت کے دوران سندھ پولیس اور محکمہ داخلہ نے اپنی رپورٹ جمع کرادی۔

آئی جی سندھ نے سابق وزیر کی پرائیوٹ آرمی ختم کرنے کا حکم دینے کی استدعا کی۔

سیکریٹری داخلہ سندھ کے جمع کرائے گئے جواب میں کہا گیا ہے کہ ذوالفقار مرزا سے سیکیورٹی واپس نہیں لی گئی، ذوالفقار مرزا کو بدین اور کراچی پولیس کی جانب سے سیکیورٹی فراہم کی جارہی ہے۔

آئی جی سندھ نے مؤقف اختیار کیا ہے کہ انور مجید کوکوئی سیکیورٹی فراہم نہیں کی گئی جبکہ فریال تالپور کو بارہ گارڈز دیئے گئے ہیں۔

، آئی جی سندھ کی جانب سے عدالت کو استدعا کی گئی کہ ذوالفقار مرزا نے پرائیوٹ سیکیورٹی قائم کی ہوئی ہے اسے ختم کیا جائے درخواست گذار کے وکیل اشرف سموں نے عدالت میں حکومتی اداروں کی جانب سے جمع کرائے گئے جواب کو سراسر مسترد کردیا اور مؤقف اختیار کیا کہ یہ عدالت سے غلط بیانی کی جارہی ہے۔

Comments

comments

یہ بھی پڑھیں