دبئی: ورلڈ کپ میں پاکستانی کھلاڑیوں کی ناقص کارکردگی آئی سی سی ون ڈے رینکنگ میں تنزلی کا سبب بن گئی ہے، مصباح الحق اور محمد عرفان رینکنگ میں بہتری لانے میں کامیاب رہے۔
آئی سی سی کی جاری کردہ نئی ون ڈے رینکنگ میں پروٹیاز ٹیم کے کپتان اے بی ڈی ویلیئرز بیٹسمینوں کی فہرست میں نمبر ون پوزیشن پر قابض ہیں، ٹاپ ٹین میں کوئی پاکستانی بلے باز شامل نہیں، ان فارم بیٹسمین مصباح الحق رینکنگ میں بہتری لاتے ہوئے تیرہویں نمبر پر آگئے۔
حفیظ پچیسویں ، آؤٹ آف فارم احمد شہزاد کی رینکنگ میں آٹھ درجہ تنزلی ہوئی، انٹرنیشنل کرکٹ سے غیر حاضر ہونے کے باوجود سعید اجمل سے پہلی پوزیشن کوئی نہیں چھین سکا ہے۔
محمد عرفان نےزمبابوے کیخلاف اچھی کارکردگی کی بدولت ٹاپ ٹین میں جگہ بنالی،تلکارتنے دلشان آل راؤنڈز کی فہرست میں نمبر ون ہوگئے، پروفیسر حفیظ کی رینکنگ میں دو درجہ تنزلی ہوئی،شاہد آفریدی پانچویں نمبر پر براجمان ہیں۔
