site
stats
پاکستان

آرمی چیف افغانستان کے سرکاری دورے کے بعد وطن واپس پہنچ گئے

اسلام آباد: آرمی چیف جنرل راحیل شریف افغانستان کے سرکاری دورے کے بعد وطن واپس پہنچ گئے ہیں، آرمی چیف نے افغان صدر اشرف غنی سے ملاقات کی، جس میں دہشتگردی کیخلاف جنگ میں تعاون جاری رکھنے پر اتفاق کیا گیا۔

آرمی چیف جنرل راحیل شریف اور ڈی جی آئی ایس آئی نے ایک بار پھر افغانستان کا دورہ کیا، آئی ایس پی آر کے مطابق آرمی چیف جنرل راحیل شریف اور افغان صدر اشرف غنی ملاقات میں باہمی تعلقات میں بہتری کے عمل کو سراہا گیا اور دہشتگردوں کے خلاف مؤثر کارروائیاں جاری رکھنے سمیت اپنی سرزمین کسی کیخلاف استعمال نہ ہونے کےعزم کا اعادہ کیا گیا۔

افغان چیف ایگزیکیٹو عبداللہ عبداللہ سے ملاقات میں آرمی چیف کا کہنا تھا کہ افغانستان کے دشمن پاکستان کے بھی دشمن ہیں۔

اس سے قبل آرمی چیف نے کابل میں سیاسی و عسکری قیادت سے بھی ملاقاتیں کیں۔

آرمی چیف نے سانحہ پشاور میں ملوث افغانستان سے گرفتار چھ افراد کا معاملہ بھی عسکری و سیاسی قیادت کے سامنے رکھا اور ملافضل اللہ کی گرفتاری سمیت دیگر امور پر بھی تبادلہ خیال کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top