The news is by your side.

Advertisement

آرمی چیف جنرل راحیل شریف سے امریکی سفیررچرڈ اولسن کی اہم ملاقات

اسلام آباد: پاک فوج کے سربراہ جنرل راحیل شریف سے پاکستان میں متعین امریکی سفیر رچرڈ اولسن نے گذشتہ روز جنرل ہیڈ کوارٹرز راولپنڈی میں ملاقات کی۔

آئی ایس پی آر کے مطابق ملاقات میں باہمی دلچسپی کے امور بشمول پاک امریکا فوجی تعلقات، افغان بارڈر کی صورتحال اور آپریشن ضربِ عضب کے امور پر بات چیت کی گئی۔

ذرائع  کے مطابق ملاقات میں پاک افغان بارڈر پر دہشت گردوں کی آسان رسائی پر تشویش کا اظہار کیا گیا اور ان آمدورفت کو روکنے کیلئے ٹھوس اقدامات تجویز کئے گئے۔

ملاقات میں پاکستان کی سیاسی صورتحال بھی زیر غور آئی اور اتفاق کیا گیا کہ جمہوریت کا فروغ یقینی بنایا جائے گا۔

امریکا نے حال ہی میں جمہوریت کو نقصان پہنچنے یا کسی غیر آئینی اقدام پر پاکستان پر سخت اقتصادی اور دیگر پابندیاں عائد کرنے کاعندیہ بھی دیا تھا۔

Print Friendly, PDF & Email

Comments

comments

یہ بھی پڑھیں