site
stats
پاکستان

آرٹیکل245 کا معاملہ، اسلام آباد ہائیکورٹ کا لارجر بینچ تشکیل

اسلام آباد: اسلام آباد ہائی کورٹ نے دارالحکومت میں آرٹیکل دوسو پینتالیس کے معاملے کی سماعت کے لئےلاجر بینچ تشکیل دے دیا، مقدمے کی سماعت گیارہ اگست کو ہوگی۔

اسلام آباد میں آرٹیکل دو سو پینتالیس کے نفاذ سے متعلق درخواست کی سماعت جسٹس شوکت عزیزصدیقی نے کی، وفاق کی جانب سے ایڈیشنل اٹارنی جنرل طارق کھوکھر نےآرٹیکل دو سو پینتالیس کے نوٹی فیکشن کی کاپی اور تفصیلی جواب عدالت میں جمع کرایا۔

درخواست گزار کی جانب سے دلائل میں کہا گیا نوٹیفکیشن میں وجہ بتائے بغیر فوج طلب کی گئی، اس وجہ سے اس نوٹی فکیشن کی کوئی قانونی حیثیت نہیں۔ آرٹیکل دو سو پینتالیس پاکستان کے شورش زدہ علاقوں کی بجائے اسلام آباد میں کیوں نا فذ کیا گیا؟

جسٹس شوکت عزیز صدیقی نے دلائل سُننے کے بعد ریمارکس میں کہا یہ قومی معاملہ ہے، وہ مقدمےکی حساسیت کو سمجھ رہے ہیں، اس لئے سماعت کے لئے تین رکنی لارجر بینچ تشکیل دیا جارہا ہے ،جو گیارہ اگست کو سماعت کرے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top