site
stats
اہم ترین

آسٹریلیا نے ورلڈ کپ 2015 کا ٹائٹل اپنے نام کر لیا

میلبورن : چار بار ورلڈ کپ کا ٹائٹل اپنے نام کرنےوالی دنیا کی مضبوط ترین ٹیم آسٹریلیا نے ایک بار پھر چار سال کے لئے ٹائٹل اپنے نام کرلیا۔

نیوزی لینڈ کو سات وکٹوں سے شکست کاسامنا کرنا پڑا،آسٹریلیا کے مائیکل کلارک 74 رنز بنا کر سرفہرست رہے ، جبکہ اسمتھ نے 26 اور ڈیوڈ وارنر نے 45 رنز اسکور کئے۔

نیوزی لینڈ کی جانب سے میٹ ہینری نے چھیالیس رنز دے کر دو اور ٹرینٹ بولٹ نے ایک کھلاڑی کو آؤٹ کیا، اس سے قبل نیوزی لینڈ کی ٹیم صرف ایک سو تیراسی رنز بنا کر پویلین لوٹ گئی تھی ،ابتدا ء میں ہی نیوزی لینڈ  کو مشکلات کا سامنا کرنا پڑا۔

اوپنربرینڈن میک کلم مچل اسٹارک کی گیند پر صفر پرآؤٹ ہوکر پویلین لوٹ گئے، جبکہ مارٹن گپٹل پندرہ رنز بنا کر میکسوئل کی بول پر بولڈ ہوئے، نیوزی لینڈ کے تیسرے کھلاڑی کین ولیمسن بارہ رنز بنا کر جانسن کی بول پرکیچ آؤٹ ہوگئے۔

روس ٹیلر چالیس اور گرینٹ ایلیٹ 83 رنز بنا کر نمایاں رہے۔ نیوزی لینڈ کے پانچ کھلاڑی صفر پر آؤٹ ہوئے، آسٹریلیا کی جانب سے مچل جانسن اور جیمس فاکنر نے تین تین کھلاڑیوں کو پویلین کی راہ دکھائی جبکہ مچل اسٹارک نے دو اور میکسوئل نے ایک وکٹ لی۔

نیوزی لینڈ نے آسٹریلیا کو ایک سو چوراسی رنز کا ٹارگٹ دیا تھا جو آسٹریلیا نے تین وکٹوں کے نقصان پر 33.1 اوورز میں پورا کرلیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top