site
stats
کھیل

آسٹریلیا کے مقابلے میں پاکستان کا پلڑا بھاری ہے

دبئی :پاکستان اور آسٹریلیا کی کرکٹ ٹیمیں مختصر طرز کے فارمیٹ میں کئی بار مدمقابل آچکی ہیں،مار دھاڑکے طرزکی کرکٹ میں پاکستان کو آسٹریلیا پر واضح برتری حاصل ہے۔

دونوں ٹیموں کے درمیان اب تک بارہ میچزکھیلے جاچکے ہیں جس میں سے آٹھ میں گرین شرٹس نے کامیابی حاصل کی چار میں آسٹریلیا فاتح رہا۔ دونوں ٹیموں کے درمیان شاہد خان آفریدی واضح فرق ہیں۔

آٖفریدی ٹی ٹوئنٹی فارمیٹ میں ہزار سے زائد رنز اور پچاس سے زائد وکٹیں حاصل کرنے والے دنیا کے واحد بولر ہیں، کنگروز کے خلاف مختصر طرز کی کرکٹ میں اکمل برادرز کی کارکردگی بھی نمایاں ہے۔

کامران اکمل سب سے زیادہ تین سو چھیاسٹھ رنز جبکہ عمر اکمل تین سو چھ رنز بناچکے ہیں، آسٹریلیا کی جانب سے ڈیوڈ وارنر نے پاکستان کے خلاف دو سو سولہ رنز بنائے ہیں۔

بولنگ میں پاکستان کی جانب سے ٹاپ وکٹ ٹیکر سعید اجمل ہیں جو اب ٹیم کا حصہ نہیں۔انہوں نے انیس وکٹیں اپنے نام کیں۔ بوم بوم آفریدی بھی کنگروز کے خلاف دس وکٹیں حاصل کر چکے ہیں۔

پاکستان کی جانب سے سب بڑی شراکت کا ریکارڈ مصباح الحق اور شعیب ملک کے پاس ہے دونوں کھلاڑیوں نے پانچویں وکٹ کی شراکت میں ایک سو انیس رنز بنائے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top