site
stats
پاکستان

آپریشن راہ نجات، متاثرین کی واپسی کا سلسلہ دوسرے روز بھی جاری

جنوبی وزیرستان: آپریشن راہِ نجات کےمتاثرین کی واپسی کا سلسلہ دوسرے روز بھی جاری ہے، آج مزید ڈھائی سو خاندان اپنے گھر جارہے ہیں۔

آپریشن راہ نجات کے نتیجے میں گھر سے بے گھر ہونے والوں کی واپسی کا سلسلہ دوسرے روز بھی جاری ہے، سرواکئی تحصیل کے تین دیہات دیبہ ڈھنکچ اور مولاخان سرائے کے تقریبا ڈھائی سو خاندان اپنے گھر آباد کرنے کیلئے آبائی علاقوں کو روانہ ہوگئے۔

پاک فوج اور پولیٹیکل حکام نے اس سلسلے میں تمام تیاریاں مکمل کرلیں۔

سرکاری ذرائع کے مطابق اب تک آپریشن راہ نجات کے چالیس ہزار تین سو بیس خاندان رجسٹریشن کروا چکے ہیں، گھر واپس جانے والوں کو آمدوروفت کی مد میں دس ہزار روپے دیئےگئے ہیں ساتھ ہی مکمل آباد کاری تک پچیس ہزار روپے ماہانہ اور چھ ماہ کا راشن بھی فراہم کیا جائے گا۔

دو ہزار نو میں شروع ہونے والے آپریشن کے گیارہ ہزار نو سو چون متاثرہ خاندان گھر واپس جاچکے ہیں،جو نقل مکانی کر کے ٹانک اور ڈیرہ اسماعیل خان کےعلاقوں میں آباد تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top