site
stats
اہم ترین

ابوظہبی ٹیسٹ:پاکستان کی جیت صرف دو وکٹ کے فاصلے پر

ابوظہبی :پاکستان نیوزی لینڈ کے خلاف ابوظہبی ٹیسٹ میں ایک بڑی فتح کے قریب پہنچ گیا۔ جس کو میچ کے آخری روز جیت کیلئے صرف دو وکٹیں درکار ہیں۔

پاکستان نے ابوظہبی ٹیسٹ کے چوتھے روز نامکمل دوسری اننگز پندرہ رنز بغیر کسی نقصان کے دوبارہ شروع کی۔ انہتر رنز پر پہلی وکٹ اظہرعلی کی گری جو تئیس رنز پر ایش سودھی کا شکار بنے۔

سودھی نے یونس خان کو اٹھائیس رنز پر ایل بی ڈبلیو کردیا۔ لیکن محمد حفیظ ایک اینڈ سے ڈٹے رہے اور کیریر کی چھٹی سنچری بناڈالی جس پر انھیں کیوی کپتان نے بھی داد دی۔

پاکستان نے اننگز ایک سو پچھتر رنز دو کھلاڑی آؤٹ پر ڈکلیئر کرتے ہوئے نیوزی لینڈ کو جیت کیلئے چار سو اسی رنز کا ہدف دیا ہے ۔ہدف کے ہمالیہ کو سر کرنے کی کوشش میں کیوی بیٹسمین بری طرح ناکام ثابت ہوئے اور دن کے اختتام تک پاکستانی بولرز نے ایک سو چوہتر پر آٹھ وکٹیں گنوا بیٹھے۔ میچ کے آخری روز نیوزی لینڈ کو شکست سے بچنے کیلئے تین سو چھ رنز بنانے ہیں اور اس کی صرف دو وکٹیں باقی رہ گئی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top