ابو ظہبی ٹیسٹ کا پہلا روز، پاکستان کے1وکٹ پر 269 رنز -
The news is by your side.

Advertisement

ابو ظہبی ٹیسٹ کا پہلا روز، پاکستان کے1وکٹ پر 269 رنز

ابو ظہبی: ابوظہبی ٹیسٹ کا پہلا روز پاکستانی بلے بازوں کے نام رہا، شاہینوں نے کھیل کے اختتام پر ایک وکٹ پر دو سو انہتر رنز بنالئے۔

ابو ظہبی کے میدان میں شاہینوں نے اونچی اڑان بھری، بلے بازوں کے لاٹھی چارج نے آسٹریلیا کے بعد کیویز کا غرور بھی خاک میں ملا دیا، محمد حفیظ اور احمد شہزاد کی نیوزی لینڈ کے ریکارڈ شراکت نے میچ میں پاکستان کی پوزیشن مستحکم کردی ہے۔

مصباح الحق نےمسلسل تیسری مرتبہ ٹاس جیت کر بے جھجک بیٹنگ کا فیصلہ کیا، نا تجربہ کار بولنگ اٹیک کے سامنے آؤٹ آف فارم پروفیسر کے بلے  نے خوب رنز اُگلے، ایک سو اٹھہتر رنز کی ریکارڈ شراکت قائم کرنے کے بعد حفیظ نروش نائنٹیز کا شکار ہوئے، حفیظ کو چھیانوے رنز پر کورے اینڈرسن نے ٹھکانے لگایا۔

دوسری جانب احمد شہزاد چٹان کی طرح کیویز کے سامنے ڈتے رہےاور کیرئیر کی تیسری سنچری مکمل کرنے کے ساتھ یو اے ای کے تینوں میدانوں میں سنچری بنانے کا منفرد اعزاز بھی حاصل کیا، ان فارم اظہر علی نے احمد شہزاد کے ساتھ مل کر ٹیم کے اسکور کو دو سو انہتر رنز تک پہنچایا۔

دوسرے روز احمد شہزاد ایک سو چھبیس اور اظہر علی چھیالیس رنز کے ساتھ کھیل کا آغاز کرینگے۔

Comments

comments

یہ بھی پڑھیں