site
stats
پاکستان

اثاثوں کی تفصیلات جمع کرانے والی سیاسی جماعتوں کی فہرست جاری

اسلام آباد: الیکشن کمیشن نے اثاثہ جات کی تفصیلات جمع کرانے والی سیاسی جماعتوں کی فہرست جاری کردی، تحریک انصاف سمیت ڈھائی سو زائد جماعتوں نے تفصیلات نہیں جمع کرائیں۔

الیکشن کمیشن کے مطابق دو سو بیاسی سیاسی جماعتوں میں سے صرف پچیس سیاسی جماعتوں نےاثاثو ں کی تفصیلات جمع کرائیں، اثاثہ جات کی تفصیلات جمع کرانے والی جماعتوں میں پاکستان مسلم لیگ ن ، پیپلز پارٹی، جے یو آئی ف، اے این پی، پختونخوا ملی عوامی پارٹی، جماعت اسلامی، عوامی مسلم لیگ، قومی وطن پارٹی شیر پاؤ شامل ہیں ۔

الیکشن کمیشن کا کہنا ہے کہ ایم کیوایم، پی ٹی آئی ، پاکستان عوامی تحریک ، پاکستان مسلم لیگ ق اور دیگرجماعتوں نےاثاثوں کی تفصیلات جمع نہیں کرائیں۔

الیکشن کمیشن کے مطابق اثاثوں کی تفصیلات جمع کرانے کی ڈیڈلائن ختم ہوچکی ہے، جس کے بعد اثاثہ جات کی تفصیل جمع نہ کرانے والی جماعتوں کو انتخابات میں حصہ نہیں لینے دیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top