The news is by your side.

Advertisement

احمد رضا قصوری کا ایم کیو ایم کے قائد الطاف حسین سے ٹیلیفونک رابطہ

کراچی: پاکستان مسلم لیگ کے مرکزی رہنما اورممتازقانون دان بیرسٹراحمدرضاقصوری کا ایم کیو ایم  کے قائد الطاف حسین سے ٹیلیفونک رابطہ ہوا جس میں احمدرضاقصوری نےموجودہ سیاسی صورتحال میں الطاف حسین کے مؤثرکردارکوسراہا، دونوں رہنماؤں کے درمیان موجودہ سیاسی صورتحال پر تفصیلی تبادلہ خیال ہوا۔

احمدرضاقصوری نے الطا ف حسین سے گفتگوکرتے ہوئے کہاکہ گزشتہ روز پاکستان عوامی تحریک کے معاملے پر ماڈل ٹاؤن میں ایک بڑے تصادم کا خطرہ تھا جس سے سانحہ ماڈل ٹاؤن کی طرح ایک بارپھرشہریوں کاجانی نقصان ہوتالیکن آپ نے بھرپور کوشش کرکے معاملے کوافہام وتفہیم سے حل کرادیا اورملک کوایک بڑے تصاد م سے بچالیاجس کوہرشخص سراہ رہاہے ۔

متحدہ قومی موومنٹ کے قائد الطاف حسین نے کہا ہے کہ ملک بھر میں ایم کیوایم کے بارے میں جن مثبت خیالات کا اظہارکیاجارہا ہے اس کا سہرا تحریک کے ایک ایک پرعزم کارکن کے سرجاتا ہے، انہوں نے کہا کہ ذمہ داران اور کارکنان دکھی انسانیت کی خدمت کا سلسلہ جاری رکھیں، الطاف حسین نے ماڈل ٹاؤن میں نامساعد حالات اور مشکلات کے باوجود یوم شہداء کے شرکاء کو کھانا، پانی ، دودھ اور مریضوں کو علاج ومعالجہ کی سہولیات کی فراہمی پرذمہ داروں اورکارکنوں کو خراج تحسین پیش کیا۔

Print Friendly, PDF & Email

Comments

comments

یہ بھی پڑھیں