The news is by your side.

Advertisement

احمد چنائے نے خود کو جھوٹا ثابت کردیا ہے، ترجمان ایم کیوایم

کراچی: متحدہ قومی موومنٹ کے ترجمان نے کہا ہے کہ احمد چنائے نے اپنے گھر پر رینجرز کے چھاپے پر اپنا موٴقف تبدیل کرکے خود کو جھوٹا ثابت کردیا ہے۔

سی پی ایل سی کے چیف احمد چنائے کے گھر پر رینجرز کے چھاپے کی خبر نے شہر میں ہلچل سی مچادی اور چند گھنٹوں میں اس خبر نے کئی رخ اختیار کیے۔

ایم کیو ایم کے قائد الطاف حسین نے احمد چنائے کے گھر پر رینجرز کے چھاپے کی شدید مذمت کی مگر اسی دوران احمد چنائے نے گورنر ہاوس میں ایک پریس کانفرنس میں اس معاملے کو کچھ کا کچھ کردیا، جس پر ایم کیو ایم نے اپنے سخت ردعمل کا اظہار کیا۔

  ترجمان ایم کیو ایم نے احمد چنائے کو مخاطب کرتے ہوئے کہا کہ الطاف حسین اور ایم کیوایم نے تو زیادتیوں اور ناانصافیوں پر کھل کر آواز احتجاج بلند کی لیکن آپ نے نامعلوم وجوہات کی بنیاد پراپنے تمام بیانات کو یکسر تبدیل کردیا ۔

ترجمان ایم کیو ایم کا کہنا تھا افسوس کے ساتھ کہنا پڑرہا ہے کہ احمد چنائے نے اپنے موٴقف کو یکسر تبدیل کرکے اپنے آپ کو جھوٹا ثابت کردیا ہے۔

انکا کہنا تھا کہ بہتر تھا کہ احمد چنائے پریس کانفرنس ہی نہ کرتے اور اگر کرتے تو اس میں حقائق بیان کرتے اور احتجاجاً اپنے عہدے سے استعفیٰ دینے کا اعلان بھی کرتے۔

Print Friendly, PDF & Email

Comments

comments

یہ بھی پڑھیں