احمد چنائے پر الزام لگانا سراسر زیادتی ہے، الطاف حسین -
The news is by your side.

Advertisement

احمد چنائے پر الزام لگانا سراسر زیادتی ہے، الطاف حسین

کراچی: ایم کیوایم کے قائد الطاف حسین نے کہا ہے سی پی ایل سی کے چیف احمد چنائے کا ساتھ ہونے والا سلوک سراسر زیادتی ہے۔

ایم کیو ایم کے قائد الطاف حسین نے ایک بیان میں کہا کہ احمد چنائے کا کام لوگوں کوبازیاب کروانااوراغوابرائے تاوان کی وارداتوں میں ملوث جرائم پیشہ افرادکوگرفتارکرواناہےاوراس سلسلے میں مغوی کے اہل خانہ اوراغواکنندگان سے رابطہ ان کے فرائض میں شامل ہے اس بنیادپر احمدچنائے پر الزام لگانا سراسر زیادتی ہے۔

الطاف حسین نے ارباب اختیار سے سوال کیا کہ کیا مہاجروں کو کبھی پاکستانی سمجھا جائے گا یا نہیں۔

الطا ف حسین نے احمدچنائے اور میمن برادری کی تمام انجمنوں سے ہمدردی کا اظہار کیا اوران سے کہاکہ وہ احمدچنائے کے ساتھ کیے جانے والے اس سلوک پرہڑتال یاکسی بھی قسم کے احتجاج کا جوبھی پروگرام بنائیں گے ایم کیو ایم اس سلسلے میں مکمل تعاون کرے گی ۔

 الطاف حسین نے کہا کہ ذلت کی زندگی سے عزت کی موت بہترہے، یہ نعرہ اب ہجرت کرکے آنے والے ہرفردکی زبان پر ہوگا اوراس کاجوبھی انجام ہوگااس کی ساری ذمہ داری اسٹیبلشمنٹ پرعائد ہوگی۔

Comments

comments

یہ بھی پڑھیں