The news is by your side.

Advertisement

اسامہ بن لادن کے زیرِاستعمال کمپاونڈ کو مسمار ہوئے 3سال مکمل

ایبٹ آباد : القاعدہ کے سربراہ اسامہ بن لادن کے زیرِ استعمال رہنے والے کمپاؤنڈ کو مسمار کئے جانے کے تین سال مکمل ہوگئے ہیں، اے آروائی نیوز کو یہ اعزاز حاصل رہا کہ سب سے پہلے کمپاؤنڈ گرانے کی خبر اور فوٹیج بریک کی تھی۔

ایبٹ آباد کے بلال ٹاؤن میں دو مئی دو ہزار گیارہ کو امریکی میر ینز نے آپریشن کرکے اسامہ بن لادن کو مبینہ طور پر ہلاک کرنے کا دعوی کیا تھا۔

جس کے بعد دو مئی کی رات کو اسامہ بن لادن کمپاؤنڈ کا کنٹرول پاک آرمی نے سنبھالا تھا اور دس ماہ تین دن بعد واقعہ کے حوالے سے سرکاری طور پر تفتیش کرنے والے ایبٹ آباد کمیشن کے دورہ کے بعد اس کا کنٹرول پچیس فروری دو ہزار بارہ کی شام کو ایبٹ آباد کی سول انتظامیہ کے حوالے کیا گیا تھا۔

جس نے اسی شام کو پولیس ، ایلیٹ فورس کی مدد سے پورے علاقے کا گھیراوٴ کرنے کے بعد بھاری مشینری کی مدد سے اڑتالیس گھنٹے کا آپریشن کرکے تین منزلہ عمارت کو مکمل مسمار کر دیا تھا۔

اے آروائی نیوز نے روایت کے مطابق سب سے پہلے کمپاؤنڈ کو مسمار کئے جانے کی خبر اور فوٹیج بریک کی تھی، تین سال مکمل ہونے پر بھی اسامہ بن لادن کمپاؤنڈ کی اراضی پر کوئی تعمیرات نہ ہوسکی۔

Print Friendly, PDF & Email

Comments

comments

یہ بھی پڑھیں