اسرائیلی بربریت کیخلاف دنیا بھرمیں مظاہروں کا سلسلہ جاری -
The news is by your side.

Advertisement

اسرائیلی بربریت کیخلاف دنیا بھرمیں مظاہروں کا سلسلہ جاری

اسرائیل کے غزہ پر سفاکانہ حملوں اور نہتے فلسطینیوں کے قتل عام کے خلاف دنیا بھر میں احتجاجی ریلیوں اور مظاہروں کا سلسلہ جاری ہے۔فلسطین میں اسرائیلی جارحیت کے خلاف انڈونیشیا،برطانیہ ،میکسیکو،الجزائر،جنوبی کوریا،آسٹریلیا ، بنگلہ دیش اور فرانس میں فلسطینیوں سے اظہار یکجہتی اور حملوں کی مذمت کرتے ہوئے مظاہرے کیے گئے۔ لندن میں اسرائیلی سفارتخانے کے سامنے جمع ہونے والے مظاہرین نے فلسطین کو آزادی دو۔اسرائیل کے ٖغزہ پر حملے بند کراو کے نعرے لگا رہے تھے ۔

مختلف نسلوں اور مذاہب سے تعلق رکھنے والے ہزاروں افراد نے مظاہرے میں شرکت کی۔ احتجاجی مظاہرے کی برطانیہ میں سر گرم عمل یورپی ترک ڈیموریٹس یونین نے بھی حمایت کی۔چلی میں مقیم فلسیطنیوں کی بڑی تعداد نے بھی غزہ کے معصوم شہریوں پر بمباری کی مذمت کرتے ہوئے حملے بند کرنے کا مطالبہ کیا۔

بھارتی ریاست تامل ناڈو میں بھی مقامی تنظیموں نے پانچ روز سے جاری فلسطینی قتل عام کے خلاف احتجاج کیا۔ مظاہرین نے اسرائیل کے خلاف نعرے بازی کی اور اقوام متحدہ اور امریکا کو تنقید کا نشانہ بنایا۔

Comments

comments

یہ بھی پڑھیں