اسلام آباد:حکومتی اقدامات، 14اگست کوایف سی کے3 ہزار اہلکار طلب -
The news is by your side.

Advertisement

اسلام آباد:حکومتی اقدامات، 14اگست کوایف سی کے3 ہزار اہلکار طلب

اسلام آباد: تحریک انصاف اور منہاج القران کی آزادی مارچ کو روکنے کیلئے اسلام آباد میں ایف سی کے تین ہزار اہلکاروں سمیت سیکورٹی فورسسز کی بھاری نفری طلب کر لی گئی ہے جبکہ خندقیں کھودی جارہی ہیں ۔

آزادی اور انقلاب مارچ کی کال کے سبب اسلام آباد میں سیکورٹی سخت کردی گئی ہے، امن و امان کے پیش نظر وزیر داخلہ چوہدری نثار کی ہدایت پر فورسسز کی بھاری نفری طلب کی گئی ہے۔ چودہ اگست کے لئے تین ہزار ایف سی اہلکار اور تین سو پچاس فوجی جوان طلب کئے گئے ہیں۔

سیکورٹی فرائض کی انجام دہی کے لئے چودہ ہزار پولیس اور اکیس سو رینجرز اہلکار کو بھی طلب کیا گیا ہے، راولپنڈی پولیس کو بھی الرٹ کردیا گیا ہے کہ ضرورت پڑنے پر انہیں طلب کیا جاسکتا ہے۔

اسلام آباد کے ریڈ زون میں سیکورٹی کے پیش نظر مانیٹرنگ کے لئے کیمرے نصب کئے گئے ہیں جبکہ مارچ کے شرکاء کو روکنے کے لیے شہر کے داخلی راستوں پر خندقیں کھودی جارہی ہیں۔

Comments

comments

یہ بھی پڑھیں