اسلام آباد:میڈیا کے کارکنان پر پولیس کا بد ترین تشدد -
The news is by your side.

Advertisement

اسلام آباد:میڈیا کے کارکنان پر پولیس کا بد ترین تشدد

اسلام آباد :پولیس کی نہتے کارکنوں پر یلغار کی کوریج کرنے پر اے آروائی نیوز سمیت دیگر چینلز کےکیمرہ مینوں کو بدترین تشدد کا نشانہ بنایا گیا,اسلام آباد میں پولیس بربریت کی کوریج کرنے والے کیمرہ مینوں پر پولیس ٹوٹ پڑی۔

پولیس کے سینئر افسران کے وائرلیس پر پیغام کے بعد پولیس والوں نے میڈیا کے نمائندوں پر دھاوا بول دیا۔  اسلام آباد کے ڈی چوک پر پولیس کا اے آر وائی نیوز کے دو کیمرہ مین آصف عبداللہ اور اقبال کوبدترین تشدد کا نشانہ بنایا۔

دنیاٹی وی کی لائیوکوریج وین کو بھی پولیس نے توڑ پھوڑ کا نشانہ بنایا۔ سما ٹی وی کے کیمرہ مین خرم شہزاد پر بھی وحشیانہ تشدد کیا گیا۔ پولیس گردی سے ڈان نیوز جاگ نیوزاور آج نیوزکےنمائندے بھی زخمی ہوئے۔

اسلام آباد میں نہتے مظاہرین پر بدترین تشدد کو دنیا کے سامنے لانے پر پولیس اہلکاروں نے میڈیا کے نمائندوں کے کیمرے بھی توڑ دیئے۔

Comments

comments

یہ بھی پڑھیں