site
stats
اہم ترین

آپریشن ضربِ عضب میں فضائیہ کا کرداراہم ہے،وزیرِاعظم نوازشریف

اسلام آباد: وزیرِاعظم نوازشریف نے کہا ہے کہ آپریشن ضرب عضب میں فضائیہ کا کرداراہم ہے۔

وزیرِاعظم نواز شریف نے ائیر ہیڈکوارٹرز اسلام آباد کا دورہ کیا، پاک فضائیہ کے سربراہ ائیر چیف مارشل طاہر رفیق بٹ نے وزیرِاعظم استقبال کیا، ائیرہیڈکوارٹرز کے دورے کے موقع پر وزیرِاعظم نوازشریف نے کہا کہ آپریشن ضربِ عضب کے ذریعے قانون نافذ کرنے میں فضائیہ کا کردار اہم ہے۔

وزیرِاعظم نواز شریف کی ائیر ہیڈ کوارٹرز آمد پر پاک فضائیہ کے ایک چاق وچوبند دستے نے انہیں گارڈ آف آنر پیش کیا، وزیرِ اعظم نے یادگارِ شہداء پر پھول چڑھائے اور پاک فضائیہ کے پرنسپل اسٹاف آفیسرز سے انکا تعارف کروایا گیا۔

بعد ازاں وزیرِاعظم نواز شریف نے پاک فضائیہ کے سربراہ ائیر چیف مارشل طاہر رفیق بٹ سے ملاقات کی، دونوں معزز شخصیات نے ملک کو درپیش اندرونی اور بیرونی سیکیورٹی حالات پر گفتگو کی، اس ملاقات میں پاک فضائیہ کے مستقبل کے ترقیاتی منصوبہ جات پر بات چیت ہوئی ۔

وزیرِاعظم کو پاک فضائیہ کی آپریشنل تیاریوں اور ضربِ عضب میں پاک فضائیہ کے اہم کردار پر تفصیلی بریفنگ دی گئی، وزیرِاعظم نے آپریشن ضربِ عضب کے ذریعے قانون نافذ کرنے میں پاک فضائیہ کے کردار کو کلیدی قرار دیا اور ساتھ ہی پاک فضائیہ میں نئے کی شمولیت اور اپ گریڈیشن پروگرام کی تکمیل پر گہرے اطمینان کا اظہار کیا۔

وزیرِ اعظم نے پاک فضائیہ کے مستقبل کے ترقیاتی منصوبہ جات کے لئے حکومتِ پاکستان کی بھرپور معاونت کا یقین دلایا۔ وزیرِاعظم پاکستان کو تعلیم اور کھیل کے میدان میں قومی تعمیر کے لئے کئے گئے پاک فضائیہ کے اقدامات پر بھی بریفنگ دی گئی۔ پاک فضائیہ نے پنجاب اور سندھ کے علاقوں میں سیلاب زدگان کی امدادی سرگرمیوں میں انتھک محنت کی۔

پاک فضائیہ جنوبی وزیرستان کے آئی ڈی پیز کی مدد کے لئے پوری قوم کے شانہ بشانہ کھڑی ہے، ائیر ہیڈ کوارٹرز کے دورے کے دوران وفاقی وزیرِ دفاع خواجہ محمد آصف وزیرِ اعظم کے ہمراہ تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top