The news is by your side.

Advertisement

اسلام آباد: آرٹیکل245کےتحت فوج کی تعیناتی میں غیرمعینہ مدت تک کا اضافہ

اسلام آباد: وزارِت داخلہ کے ذرائع کے مطابق اسلام آباد میں آرٹیکل 245کے تحت فوج کی تعیناتی کی مدت میں غیر معینہ مدت تک توسیع کردی گئی ہے۔

وزارتِ داخلہ کے ذرائع کے مطابق اسلام آباد میں آرٹیکل دو سو پینتالیس کے تحت اسلام آباد میں فوج کی تعیناتی غیر معینہ مدت تک بڑھا دی گئی، فوج کو اس سے قبل تین ماہ کے لئے چو بیس اگست میں تعینات کیا گیا تھا، جس کی مدت چوبیس نومبر کو ختم ہورہی تھی۔

فوج کی آرٹیکل دو سو پینتالیس کے تحت تعیناتی کو سیاسی جماعتیں دھرنوں کے تناظر میں دیکھتی رہی اس کے علاوہ جب اس آرڈینینس کا اجراء ہوا تو پیپلز پارٹی سمیت دیگر پارلیمانی سیاسی جما عتوں نے اس کی مخالفت کی تھی۔

حکومت فوج کی تعیناتی کو دہشت گردی کی واقعات کی روک تھام کے لئے اس آرٹیکل کے نفاذ کا دفاع کرتی رہی ہے، اب دیکھنا یہ ہے کہ جمہوری حکومت اس غیرمعینہ نفاذ کو کب معینہ میں بدلتی ہے۔

Print Friendly, PDF & Email

Comments

comments

یہ بھی پڑھیں