اسلام آباد: غیرملکیوں کو بھی اپنی سمز کی تصدیق کرانا ہوگی -
The news is by your side.

Advertisement

اسلام آباد: غیرملکیوں کو بھی اپنی سمز کی تصدیق کرانا ہوگی

اسلام آباد: پاکستان میں مقیم غیر ملکیوں اور افغان مہاجرین کو بھی اپنی سمیں تصدیق کروانا ہونگی، غیر ملکیوں اور افغان مہاجرین کی سموں کی تصدیق کیلئے طریقہ کار وضع کردیا گیا ہے۔

پاکستانی شہریوں کے ساتھ ساتھ اب غیر ملکیوں اور پاکستان میں مقیم افغان مہاجرین کے زیرِ استعمال سموں کی تصدیق بھی شروع کر دی گئی ہے، غیر ملکیوں کو سم کی تصدیق کیلئے کارآمد ویزہ کی کاپی، مستقل پتہ اور پاکستان میں رہائش کا پتہ دینا ہوگا جبکہ سم کا غیر قانونی استعمال نہ کرنے کے حوالے سے بیان حلفی بھی موبائل کمپنی کو جمع کروانا ہوگا۔

افغان مہاجرین نادرا کارڈ کی تصدیق شدہ کاپی اور بیان حلفی جمع کروا کر سم کی تصدیق یا نئی سم حاصل کر سکتے ہیں۔

تین سے زائد سمیں رکھنے والے پاکستانی شہریوں کیلئے سموں کی بائیومیٹرک تصدیق کی آخری تاریخ26 فروری مقرر کی گئی ہے۔

غیر ملکیوں کے زیرِ استعمال سمیں ویزہ ختم ہوتے ہی خود کار نظام کے تحت بند ہو جائیں گی جبکہ افغانی بھی پاکستان میں قیام کی اجازت تک ہی سم استعمال کر سکیں گے۔

Comments

comments

یہ بھی پڑھیں