اسلام آباد : قومی اسمبلی کا اجلاس آج شام چار بجےپارلیمنٹ ہاؤس میں ہورہا ہے۔ قومی اسمبلی کے اجلاس کی صدارت اسپیکر سردار ایاز صادق کریں گے۔ قومی اسمبلی کااجلاس دو ہفتے جاری رہے گا۔
اجلاس میں اسلام آباد میں بلدیاتی انتخابات سے متعلق اہم قانون سازی کی جائے۔ دھاندلی سے متعلق جوڈیشل کمیشن کی رپورٹ بھی قومی اسمبلی میں پیش کی جائے گی۔
اجلاس میں مون سون بارشوں کے باعث خیبر پختونخواہ، آزاد کشمیر، پنجاب اور سندھ سمیت ملک بھر میں سیلاب کی تباہ کاریوں سے ہونے والے نقصانات اور حکومت اقدامات بھی زیر بحث آئیں گے۔
