اسلام آباد میں دھرنے،ایکسپوپاکستان ملتوی کردی گئی -
The news is by your side.

Advertisement

اسلام آباد میں دھرنے،ایکسپوپاکستان ملتوی کردی گئی

اسلام آباد: سیاسی دھرنوں کے باعث اسلام آباد میں منعقد ہونے والی سب سے بڑی نمائش ایکسپو پاکستان ملتوی کردی گئی۔

تفصیلات کے مطابق اسلام آباد میں جاری دھرنوں نے جہاں شہریوں کے طرزِزندگی کوبری طرح متاثرکیا وہیں ملکی تاریخ کی سب سے بڑی نمائش بھی دھرنوں اورسیاسی عدم استحکام کی نذر ہوگئی، دھرنوں کے باعث غیرملکی خریدار اورکمپنیاں پاکستان آنے سے کترا رہی ہیں۔

اسلام آباد میں ایکسپو پاکستان تئیس تا چھبیس اکتوبرکو ہونا تھی، ذرائع کا کہناہے کہ حکومت اس سال ایکسپو پاکستان کا انعقاد نہیں کرسکے گی جس کے باعث پاکستان رواں سال اربوں روپےکی سرمایہ کاری اورمعاہدوں سے محروم رہے گا اورملکی معیشت کواربوں کا دھچکا لگ سکتا ہے۔

گزشتہ سال ایکسپوپاکستان میں پاکستانی کمپنیوں سمیت تیس سے زیادہ ممالک کی کمپنیوں نے بھرپورشرکت کی تھی، ایکسپو پاکستان کی منتظم ٹریڈ ڈویلپمنٹ اتھارٹی پاکستان آئندہ چند روز میں نمائش کے انعقاد کی آئندہ تاریخ کا باضابطہ اعلان کرے گی۔

Comments

comments

یہ بھی پڑھیں