اسلام آباد: پی ٹی اے کا بلیک بیری سروس بند کرنے کا فیصلہ -
The news is by your side.

Advertisement

اسلام آباد: پی ٹی اے کا بلیک بیری سروس بند کرنے کا فیصلہ

اسلام آباد:  سکیورٹی خدشات کے پیشِ نظر پاکستان ٹیلی کمیونیکیشن اتھارٹی ( پی ٹی اے ) نے ملک بھر میں بلیک بیری میسنجر سروس بند کرنے کا فیصلہ کیا ہے۔

تفصیلات کے مطابق حکومت پاکستان کی جانب سے پی ٹی اے کو بلیک بیری بزنس انٹرپرائز سروس کے تحت بی بی ایم اور ای میل سروس بند کرنے کے احکامات جاری کیے ہیں جس کے بعد پی ٹی اے نے بلیک بیری کمپنی کو نوٹس بھی ارسال کر دیا ہے ۔

پی ٹی اے کے مطابق 30 نومبر سے بلیک بیری انٹرپرائز سروس کے تحت بی بی ایم اور ای میل سروس کو بند کر دیا جائے گا لیکن ان کی انٹرنیٹ سروس جاری رہے گی۔

حکام کے مطابق بلیک بیری سروس کو سیکیورٹی وجوہات کی بنا پر بند کیا جارہا ہے، ملک میں بلیک بیری انٹرپرائزز کے بند ہونے سے بلیک بیری انٹرنیٹ سروس متاثر نہیں ہوگی۔ بلیک بیری فون وائس اور ایس ایم ایس کی سروس بھی چلتی رہے گی۔ جن صارفین کے پاس بلیک بیری کے موبائل سیٹ موجود ہیں وہ ان پر عام فون کی طرح سروس پرووائڈر کی جانب سے فراہم کی گئی تمام سہولیات استعمال کر سکتے ہیں۔

ذرائع کا کہنا ہے کہ حکومت کی جانب سے یہ اقدام سیکورٹی خدشات کی بناء پر کیا گیا ہے کیونکہ پاکستان کا سسٹم بلیک بیری میسنجرسروس کے تحت ہونے والی گفتگو کو ڈی کوڈ نہیں کر سکتا اور دہشت گرد اس سروس کو اپنی کاروائیوں میں استعمال کرتے ہیں

Comments

comments

یہ بھی پڑھیں