اسلام آباد ہائیکورٹ: آرٹیکل245 کے خلاف کیس کی سماعت -
The news is by your side.

Advertisement

اسلام آباد ہائیکورٹ: آرٹیکل245 کے خلاف کیس کی سماعت

اسلام آباد : اسلام آباد ہائی کورٹ نے آرٹیکل دوسو پینتالیس سے متعلق کیس میں معاونت کے لئےعبدالحفیظ پیرزادہ اوررضا ربانی کو طلب کرلیا، وزارت دفاع کو جواب جمع کرنے کے لئےایک اور نوٹس جاری کردیا گیا۔

اسلام آباد ہائیکورٹ کے لارجربینچ نے آرٹیکل دو سو پینتالیس کے خلاف درخواست کی سماعت کی، عدالت نے مقدمے میں معاونت کے لئے عبدالحفیظ پیرزادہ ،ایس ایم ظفر، تو فیق آصف اور رضا ربانی، حامد خان کو طلب کر لیا جبکہ وزارت دفاع کو ایک ہفتے میں جواب جمع کرنے کے لئے ایک اور نوٹس بھی جاری کردیا۔

جسٹس شوکت کا درخواست گزار سے مکالمے میں کہنا تھا کہ آپ کو خوش ہونا چا ہیئے فوج کو حکومت بلا رہی ہے،خو د قبضہ نہیں کر رہی، چیف جسٹس نے کہا کہ زلزلہ اور سیلاب آنے پر بھی سول حکومت فوج کو طلب کرتی ہے۔

عدالت نے مختصر سماعت کے بعد کیس کی مزید کارروائی ستمبر کے پہلے ہفتے تک ملتوی کردی۔

Comments

comments

یہ بھی پڑھیں