اسلام آباد:اہل سنت والجماعت کے رہنما مفتی منیر کی نماز جنازہ ادا -
The news is by your side.

Advertisement

اسلام آباد:اہل سنت والجماعت کے رہنما مفتی منیر کی نماز جنازہ ادا

اہلسنت والجماعت اسلام آباد کے جنرل سیکریٹری مفتی منیر معاویہ اور ان کے ساتھی اسد محمود کی نماز جنازہ ادا کردی گئی۔ ادائیگی کے بعد میتیں پارلیمنٹ ہاؤس کے سامنے رکھ کر احتجاجی دھرنا دیا جارہا ہے۔

اسلام آباد پارلیمنٹ ہاؤس کے سامنے مفتی منیر معاویہ اور ان کے ساتھی اسد محمود کی میت رکھ کر دھرنا دیا گیا، اس موقع پر سیکیورٹی کے سخت ترین انتظامات کئے گئے ہیں، اس سے قبل اہلسنت والجماعت کی جانب سے مفتی منیر کی میت سڑک پر رکھ کر احتجاج اور اقوام متحدہ کے دفتر کے سامنے نماز ادا کرنے کا اعلان کیا تھا۔

کمشنر اسلام آباد سے مذاکرات کے بعد مفتی منیر کی نماز جنازہ پارلیمنٹ ہاؤس کے سامنے ادا کی گئی، پولیس کے مطابق مفتی منیر معاویہ سیکٹر آئی ایٹ میں جامع عبداللہ ابن مسعود میں نماز جمعہ کے بعد اپنے ساتھی اسد محمود کے ساتھ کار میں جارہے تھے کہ نامعلوم موٹرسائیکل سواروں نے فائرنگ کردی، جس سے دونوں موقع پر جاں بحق ہوگئے۔

مفتی منیر معاویہ کو ایک روز قبل ہی اڈیالہ جیل سے رہا کیا گیا تھا، آئی جی اسلام آباد سکندر حیات کے مطابق واقعہ بظاہر ٹارگٹ کلنگ ہے، جائے وقوعہ سے گولیوں کے گیارہ خول ملے ہیں، قاتلوں کی گرفتاری کے لیے ٹیمیں تشکیل دے دی گئی ہیں۔

Comments

comments

یہ بھی پڑھیں