The news is by your side.

Advertisement

اسلام آباد: دھرنے سے نقصانات کی رپورٹ عدالت میں جمع

اسلام آباد: اٹارنی جنرل نے تحریک انصاف اور پاکستان عوامی تحریک کے دھرنے سے ہو نے والے نقصانات کی تفصیلی رپورٹ عدالت میں جمع کر ادی ہے۔

اسلام آباد میں تحریک انصاف اور پاکستان عوامی تحریک نے جہاں اسلام آباد کے رہائشیوں کی زندگی کو مفلوج کر رکھا ہے وہیں اس سے اربوں روپے کا نقصان بھی ہوا ہے، اٹارنی جنرل نے دھرنوں سے ہونے والے نقصانات کی تفصیلی رپورٹ عدالت میں جمع کرادی۔

رپورٹ کے مطابق تاجروں کو دھرنوں سے دس ارب روپے کا نقصان ہوا، سیکیورٹی پر ایک سو تیس ملین خرچ ہوئے،  زر مبادلہ کے ذخائر بھی کم ہو کر تیرہ ہزار پانچ سو اکیس ملین ڈالر رہ گئے۔

رپورٹ میں بتایا گیا کہ کئی چینی صدر سمیت کئی عالمی رہنماؤں نے پاکستان کے دورے ملتوی کیے، ملک کی معیشت کواب تک پانچ سو سینتالیس ارب روپے کا نقصان ہوا، پی ٹی وی اور پولیس کی سات گاڑیاں تباہ ہوئیں۔

رپورٹ کے مطابق دھرنوں میں شریک لوگوں کے تشدد سے سات سو سے زا ئد افراد زخمی ہوئے، دو لاکھ سے زائد بچوں کی تعلیم متاثر ہوئی۔

Print Friendly, PDF & Email

Comments

comments

یہ بھی پڑھیں