اسلام آباد: ریڈ زون کی سیکیورٹی کے لیے آرڈیننس جاری -
The news is by your side.

Advertisement

اسلام آباد: ریڈ زون کی سیکیورٹی کے لیے آرڈیننس جاری

اسلام آباد: وفاقی حکومت نے اسلام آباد کے ریڈ زون کی سیکورٹی کے لیے آرڈیننس جاری کردیا ہے۔

ذرائع کے مطابق جاری کیا گیا آرڈیننس اسٹیبلشمنٹ اینڈ ریگولیشن آف سیکیورٹی زون دوہزار چودہ ہوگا، یہ آرڈیننس فوری طور پر نافذ العمل ہوگا، اس آرڈیننس کو ریڈزون کے علاوہ پورے وفاقی دارلحکومت پر لاگو کیا جاسکے گا۔ آرڈیننس کے تحت ریڈ زون میں پانچ یا اس سے زیادہ افراد کے جمع یا مظاہرہ کرنے پر پابندی عائد کی گئی ہے۔

آرڈیننس کے مطابق قانون کی خلاف ورزی کرنے والوں کو تین سال قید اور دس ہزار روپے جرمانے کی سزا ہو سکےگی، ڈنڈے، لاٹھی رکھنے یا، منقولہ اور غیرمنقولہ اشیاء کی تباہی میں ملوث افراد کو تین سال قید اور پچاس ہزار روپے جرمانے کی سزا ہوگی جبکہ آرڈیننس کے تحت آتشی اسلحے کے استعمال یا رکھنے پر پابندی ہوگی، معصوم لوگوں،خواتین اور بچوں کو انسانی ڈھال بنانے پر بھی پابندی ہوگی۔

آرڈیننس کے تحت ہائی سیکورٹی زون میں سرکاری ملازمین کو دفاتر میں جانے سے روکنے یا ملازمین کو دفاتر میں یرغمال بنانے پر پابندی ہوگی ہائی سیکورٹی زون میں روڈ بلاک کرکے مجاز شہریوں اور سرکاری ملازمین کی گاڑیوں کی تلاشی پر پابندی ہوگی ان جرائم میں ملوث افرادکو پانچ سے دس سال قید اور پانچ لاکھ روپے جرمانے کی سزاہوسکے گی۔ ہائی سیکورٹی زون میں لاوٴڈ اسپیکرز کے استعمال ، تجاوزات کرنے اور سڑکوں پر رفع حاجت پر پابندی ہوگی قانون نافذ کرنے والے اہلکاروں، اداروں اور ایجنسیوں کے احکامات کی خلاف ورزی پر چھ ماہ قید اور پچاس ہزار روپے جرمانہ ہوگا۔

آرڈیننس کی شق چھ اور آٹھ کے جرائم ناقابل ضمانت اور قابل دست اندازی پولیس ہوں گےآرڈیننس کی شق پانچ اور سات کے جرائم قابل دست اندازی پولیس تاہم قابل ضمانت ہوں گے، شق چار اور گیارہ کے جرائم قابل ضمانت اور ناقابل دست اندازی پولیس ہوں گے، اس آرڈیننس کے تحت وفاقی حکومت، افسران اور قانون نافذ کرنے والے اداروں کے اہلکارکے خلاف کوئی عدالتی یا قانونی کارروائی نہیں ہوسکے گی۔

Comments

comments

یہ بھی پڑھیں