اسلام آباد: انسانی حقو ق کے عالمی دن کے موقع پر لاپتہ افراد کے لواحیقن نے نادرا آفس اسلام اباد کے باہر احتجاجی مظاہرہ کیا ہے۔ مظاہرہ ڈیفنس آف یومن رائٹس کے زیر اہتمام کیا گیا ہے۔
تفصیلات کے مطابق انسانی حقوق کے عالمی دن کے مطابق ڈیفنس آف یومن رائٹس کے زیر اہتمام آج اسلام آباد میں احتجاجی مظاہر ے میں لاپتہ افراد کے اہل خانہ کی بڑی تعداد شریک تھی جن میں خواتین بچے بھی شامل تھے۔ جماعت اسلامی کے مرکزی رہنما میاں اسلم بھی اس مظاہرے شریک تھے۔
اس موقع پر مقررین کا کہنا تھا کہ موجودہ حکومت میں بھی جبری گمشدگیوں کا سلسلہ عروج پر ہے جو کہ انسانی حقوق کی واضح خلاف ورزی ہے۔
بعد ازاں مظاہرے میں ڈپٹی اسپیکر قومی اسمبلی مرتضی جاوید عباسی بھی شریک ہوئے اس موقع پر لاپتہ افراد کے لواحقین نے انہیں ایک یاداشت پیش کی۔ مظاہرین سے خطاب کرتے ہوئے ڈپٹی سپیکر نے کہا کہ یہ یاداشت حکومت اور تمام پارلیمانی لیڈرز تک پہنچائی جائے گی۔ ان کا کہنا تھا کہ لاپتہ افراد کی بازیابی حکومت کی ذمہ داری ہے۔
ادھر انسانی حقوق کے عالمی دن پر کوئٹہ میں لاپتہ افراد کے لواحقین نے بلوچستان ہائی کورٹ کے سامنے احتجاجی ریلی نکالی ہے، ریلی میں بچوں، عورتوں اور بزرگوں نے بھی شرکت کی ہے۔ مظاہرین اس موقع پر اپنے پیاروں کی بازیابی کیلئے نعرے بھی لگاتے رہے۔
