اسلام آباد: پاکستان اور چینی کمپنی کے درمیان آٹھ ہزار تیس میگاواٹ کے چودہ پاور پلانٹس لگانے کے منصوبوں پر دستخط ہوگئے۔
اسلام آباد میں پاکستان اور چینی کمپنی کے درمیان چھ سو ساٹھ میگاواٹ کے دو منصوبوں پردستخط ہوگئے، دونوں ملکوں کے درمیان سات ہزار تین سو تیس میگاواٹ کے پاور پلانٹس کے بارہ منصوبوں کے ویڈیو لنک کےذریعے معاہدے بھی کیے گئے ہیں۔
سات سو میگاواٹ کا کروٹ پاور پلانٹ، یو ای پی کا ہنڈریڈ میگاوٹ کا ونڈ پاور پلانٹ ، پچاس میگاواٹ کا سچل پاور پلانٹ کا منصوبہ، ہائیڈرو چائنا کا پچاس اور قائداعظم سولر پارک کے ایک ہزار میگاواٹ کے منصوبوں کے معاہدے بھی کیے گئے ہیں۔
پورٹ قاسم پر تین سو بیس میگاواٹ کے کول پاور ، حبکو کا چھ سو ساٹھ میگاواٹ پاور پلانٹ ، تیرہ سو بیس میگاواٹ کے ایس ای سی تھرکول پاور ، چھ سو ساٹھ میگاواٹ کا اینگرو تھر پاور پلانٹ، سکی کناری آٹھ سو ستر میگا واٹ کا منصوبہ ، تیرہ سو بیس میگاواٹ کا ساہیوال کول پاور پلانٹس اور سالٹ رینج تین سومیگاوٹ کے کول پلانٹ کے معاہدے بھی کیے گئے ہیں۔
پاکستان اور چین کے درمیان مٹیاری سے لاہور ٹرانسمیشن لائن کے منصوبوں کے مالیاتی امور طے پاگئے ہیں، صرف دستاویزات کا تبادلہ باقی ہے۔
