The news is by your side.

Advertisement

اسلام آباد25جولائی، سندھ اور پنجاب میں 20ستمبر کو بلدیاتی انتخابات کرانے کا حکم

اسلام آباد : سپریم کورٹ نےاسلام آباد میں پچیس جولائی، پنجاب اور سندھ میں بیس ستمبر کو بلدیاتی انتخابات کرانے کا حکم دے دیا ہے۔

بلدیاتی انتخابات سے متعلق کیس کی سماعت سپریم کورٹ میں ہوئی، الیکشن کمیشن نے بلدیاتی انتخاب کا شیڈول عدالت میں جمع کرادیا، شیڈول کے مطابق اسلام آباد میں پچیس جولائی، سندھ اور پنجاب میں بیس ستمبر کو بلدیاتی انتخاب ہوں گے۔

جسٹس جواد ایس خواجہ کا کہنا ہے کہ الیکشن کمیشن دی گئی تاریخوں پر انتخابات یقینی بنائے۔

ایڈووکیٹ جنرل پنجاب نے عدالت کو بتایا کہ ان تاریخوں میں پنجاب میں سیلاب آتا ہے، جس پر جسٹس جواد نے ریمارکس دیتے ہوئے کہا کہ کیا آپ چاہتے ہیں اِن تاریخوں میں بلدیاتی انتخابات نہ ہوں۔

ایڈووکیٹ جنرل پنجاب کا کہنا تھا کہ نہیں میں دعاگو ہوں کہ ان تاریخوں میں کوئی بڑی آفت نہ آئے، کیس کی سماعت غیر معینہ مدت تک ملتوی کردی گئی ۔

Print Friendly, PDF & Email

Comments

comments

یہ بھی پڑھیں