site
stats
بزنس

اسٹیل ملز کی ترقی کیلئے تعاون جاری رہے گا، راجہ حسن عباس

کراچی: وفاقی سیکریٹری صنعت و پیداوار راجہ حسن عباس نے کہا ہے کہ وزارتِ صنعت و پیداوار،حکومتِ پاکستان قومی ادارے پاکستان اسٹیل ملزکی بحالی اور ترقی کے لئے اپنا بھرپور تعاون اور رہنمائی جاری رکھے گی۔

پاکستان اسٹیل کے چیف ایگزیکٹو آفیسر ظہیر احمد خان نے وفاقی سیکریٹری کو پاکستان اسٹیل کی موجودہ صورتحال اور کارکردگی سے متعلق تفصیلی بریفنگ دی۔

انہوں نے بتایا کہ پاکستان اسٹیل کی پیداوار 25 سے 30 فیصد تک پہنچ چکی ہے۔انہوں نے بتایا کہ تنخواہوں کی عدم ادائیگی کے باوجود ادارے کے ملازمین کاپاکستان اسٹیل کی انتظامیہ کے ساتھ بھرپور تعاون قابل تعریف ہے۔

انہوں نے وفاقی سیکریٹری کو بتایا کہ پاکستان اسٹیل کے کئی شعبوں کی کئی برسوں سے مرمت نہیں ہوئی ہے اس کے لیے اقدامات کیے جائیں۔

وفاقی سیکریٹری راجہ حسن عباس نے یقین دہانی کرائی کہ وہ پاکستان اسٹیل کے مقررہ پیداواری ہدف کو حاصل کرنے کے لئے اور ادارے کے مسائل حل کرنے کے لئے اپنی کوششیں جاری رکھیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top