site
stats
بزنس

اسٹیٹ بینک مانیٹری پالیسی کا اعلان آج کرے گا

کراچی: اسٹیٹ بینک آف پاکستان آئندہ دو ماہ کیلئے آج مانیٹری پالیسی کا اعلان کرے گا، معاشی تجزیہ کار بینادی شرح سود میں نصف سے ایک فیصد تک کی کمی کی امید کر رہے ہیں۔

بورڈ آف ڈائریکٹرز کا اجلاس آج ہوگا، جس میں افراطِ زر سیمت دیگر اہم معاشی اشاریوں کے جائزے کے بعد بنیادی شرح سود کا تعین کیا جائےگا۔

معاشی تجزیہ کاروں کے مطابق شرح سود میں آدھے سے ایک فیصد تک کی کمی کا اعلان متوقع ہے، فروری میں ملک بھر میں مہنگائی کی شرح تین اعشاریہ دو فیصد رہی جبکہ زرمبادلہ ذخائر بھی سولہ ارب ڈالر ہوگئے ہیں۔

ذرائع کے مطابق مرکزی بینک نے مانیٹری پالیسی کی ترسیل کو مزید مستحکم بنانے کیلئے شرح سود کوریڈور فریم ورک پر نظرثانی کا فیصلہ کیا ہے۔

بورڈ کی جانب سے سفارشات آج پیش کئے جانے کا امکان ہے۔

گزشتہ دو مانیٹری پالیسیوں میں اسٹیٹ بینک نے شرح سود میں ڈیڑھ فیصد کمی کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top