site
stats
بزنس

اسٹیٹ لائف کو جدید انشورنس کمپنی بنائیں گے،خرم دستگیرخان

اسلام آباد :اسٹیٹ لائف انشورنس کارپوریشن لمیٹڈ کی سہ ماہی کارکردگی رپورٹ کاجاری کردی گئی،تفصیلات کے مطابق وفاقی وزیر تجارت انجینئر خرم دستگیر خان نے کہا ہے کہ اسٹیٹ لائف کو اکیسویں صدی کی جدید انشورنس کمپنی بنائیں گے ،کمپنی کے آپریشن ملک کے طول وعرض تک پھیلانے کیلئے ہدایات جاری کر دی ہیں۔،

اسٹیٹ لائف انشورنس کارپوریشن لمیٹڈ کی سہ ماہی کارکردگی رپورٹ کے جائزہ اجلاس کی صدارت کرتے ہوئے انہوں نے کہا کہ ادارہ کی انشورنس پالیسی کو مزید سیکٹروں تک وسعت دی جائے گی اور ادارے کی خدمات کا دائرہ کا ر بیرون ملک پاکستانیوں تک بڑھایا جائے گا،اس مقصد کیلئے ادارے میں انتظامی اصلاحات کا آغاز کر دیا گیا ہے۔،

وفاقی وزیر کو بتایا گیا کہ اسٹیٹ لائف انشورنس کارپوریشن نے سال 2013میں اپنے پالیسی ہولڈرز کو 28ارب سے زائد ادا کئے جو کہ سال 2012کی نسبت 16.5فیصد زائد ہے،وفاقی وزیر نے کہا کہ اسٹیٹ لائف انشورنس کارپوریشن کے نئے چیئرمین اور بورڈ کا تقرر جلد کر دیا جائے گا ، ادارے کے معا ملات میں انفارمیشن ٹیکنالوجی کے ذریعے شفافیت لائی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top