اشرف غنی اور عبداللہ عبداللہ کے درمیان شراکتِ اقتدار کا معاہدہ طے -
The news is by your side.

Advertisement

اشرف غنی اور عبداللہ عبداللہ کے درمیان شراکتِ اقتدار کا معاہدہ طے

کابل: افغانستان میں صدارتی منصب کیلئے لڑائی پانچ ماہ بعد ختم ہوگئی ۔اشرف غنی اور عبداللہ عبداللہ کے درمیان شراکتِ اقتدار کامعاہدہ طے پا گیا، اشرف غنی صدر اور عبداللہ عبداللہ چیف ایگزیکٹو ہونگے۔

افغانستان کے قصر صدارت پر کون بیٹھے بالاخر پانچ ماہ بعد فیصلہ ہو ہی گیا ہے، امریکا کی افغانستان میں مخلوط حکومت کی خواہش پوری ہوئی اور صدارتی کرسی کی لڑائی کا اختتام ایک معاہدے پر ہوگیا ہے، افغانستان کی صدارت کے خواہشمند دونوں امیدواروں نے شراکتِ اقتدار کے معاہدے پر دستخط کردیئے ہیں ۔

معاہدے کے تحت افغانستان میں صدر حامد کرزئی کی کرسی اشرف غنی سنبھالیں گے جبکہ عبداللہ عبداللہ چیف ایگزیکٹو ہوں گے، جن کا عہدہ وزیراعظم کے برابر ہوگا۔

واضح رہے اس سے پہلے دونوں امیدواروں نے ایک دوسرے پر انتخابات میں دھاندلی کے الزامات لگائے تھے۔

Comments

comments

یہ بھی پڑھیں