چٹخارے دار دہی بڑے
اجزاء
ماش اور مونگ کی دال ایک کپ
پیاز ایک عدد
ہری مرچ دو عدد
لہسن کے جوے چار عدد
زیرہ ایک چائے کا چمچ
لال مرچ دو چائے کے چمچ
نمک آدھاچائے کا چمچ
تیل حسبِ ضرورت
دہی بنانے کے لئے
دہی آدھا کلو
دودھ ایک کپ
ثابت گول مرچ ایک چائے کا چمچ بھنی اور پسی ہوئی
ہری مرچ کا پیسٹ دو چائے کے چمچ
نمک آدھا چائے کا چمچ
زیرہ دو چائے کے چمچ بھنا ہوا
املی کا گاڑھا رس چار کھانے کے چمچ
ترکیب
سب سے پہلے ماش اور مونگ کی دال کو دو گھنٹے کےلئے بھگو دیں، اب بلینڈر میں دالیں، زیرہ، لال مرچ، لہسن، پیاز، ہری مرچ اور نمک ڈال کر اچھی طرح پیس لیں۔
اب ایک پین میں تیل گرم کرکے مکسچر کی پھلکیاں بناکر فرائی کرلیں پھر انہیں پانی میں بھگو دیں۔
اس کے بعد دہی میں دودھ، ہری مرچ کا پیسٹ ، نمک، بھنا زیرہ اور بھنی اور پسی ثابت گول لال مرچ ڈال کر پھینٹ لیں پھر املی کا رس ڈال دیں اب پھلکیوں کو پانی سے الگ کر کے نچوڑ لیں اور دہی میں ڈال کر سرو کریں۔
