افغانستان میں امن کے لئے پاکستان کا کردارقابلِ تعریف ہے،امریکا -
The news is by your side.

Advertisement

افغانستان میں امن کے لئے پاکستان کا کردارقابلِ تعریف ہے،امریکا

واشنگٹن : امریکا نے کہا ہے کہ افغانستان میں قیام امن کے لئے پاکستان کی کوششیں قابلِ تعریف ہیں، پاکستان افغان طالبان مذاکرات میں اہم فریق ہے۔

واشنگٹن میں میڈیا بریفینگ سے خطاب کرتے ہوئے امریکی محکمہ خارجہ کے ترجمان مارک سی ٹونر نے کہا کہ افغان حکومت اور طالبان کے درمیان مذاکرات میں پاکستان کا کرداراہم اورقابل تعریف ہے، مذاکرات سے شدت پسندی کے خاتمے میں مدد ملے گی۔

انکا کہنا تھا کہ افغان حکومت اور طالبان مذاکرات افغانستان میں پائیدار امن کے قیام کی جانب پہلا قدم ہیں۔

ترجما ن کا کہنا تھا کہ امریکا چاہتا ہے افغان شدت پسند ہتھیار ڈال کرافغانستان کے آئین کو تسلیم کریں، امن کے لئے افغان طالبان کو بین الاقوامی دہشت گرد تنظیموں سے رابطے ختم کرنا ہوں گے۔

انہوں نے کہا کہ مذاکرات میں شامل امریکی اہلکار نے مذاکرات کی تفصیلات سے آگاہ نہیں کیا۔

Comments

comments

یہ بھی پڑھیں