The news is by your side.

Advertisement

افغانستان میں شدید لڑائی دیکھ رہے ہیں، امریکی وزیر دفاع

واشنگٹن: امریکی وزیر دفاع کا کہنا تھا کہ آئندہ دنوں میں افغان سیکورٹی فورسزاورطالبان میں شدید لڑائی دیکھائی دے رہی ہے،طالبان افغانستان میں پھر قوت پکڑرہے ہیں۔

واشنگٹن میں ایک نیوز بریفنگ سے خطاب کرتے ہوئے امریکی وزیر دفاع کا کہنا تھا کہ طالبان سے افغان سیکورٹی فورسز بہتر انداز میں مقابلہ کر رہی ہیں جبکہ افغان فورسز کی صلاحیتوں میں گزشتہ دنوں کافی بہتری آئی ہے۔

ایک سوال پر ایش کارٹر نے کہا کہ اتحادی افواج افغان فورسز کی فضائی صلاحیتوں میں بھی بہتری لا رہی ہیں۔ امریکی وزیر دفاع کے مطابق افغان فورسز کی فنڈنگ کیلئے آئندہ بجٹ میں تجاویز تیار کی جارہی ہیں جبکہ اس فنڈنگ میں اتحادی ممالک بھی اپنا حصہ ڈالیں گے۔

انہوں نے اس خبر کی تردید کی کہ جنرل کیمبل نے افغانستان میں مزید امریکی فوجی دستے بھیجنے کی درخواست کی ہے۔ پریس کانفرنس میں ایش کارٹر سے متعدد بار پوچھا گیا کہ طالبان کیخلاف کاروائیوں میں کیا امریکی فوج حصہ لے گی تاہم امریکی وزیر دفاع ان سوالوں کو ٹالتے رہے اور افغان فورسز کی صلاحیتوں پر ہی اپنی توجہ مرکوز رکھی۔

Comments

comments

یہ بھی پڑھیں