ڈبلن: افغانستان نے پاپوانیوگینی کیخلاف چھ وکٹوں سے کامیابی حاصل کرکے ورلڈ ٹی ٹوئنٹی دوہزارسولہ کیلئے کوالیفائی کرلیا ہے۔
ڈبلن میں کھیلے جانے والے ورلڈ ٹی ٹوئنٹی کوالیفائرز کے تیسرے پلے آف میں افغانستان کیخلاف پاپوا نیو گینی نے ٹاس جیت کر پہلے بیٹنگ کرتے ہوئے چھ وکٹوں پر ایک سو ستائیس رنز بنائے۔
چارلس امینی سینتیس رنز بناکر نمایاں رہے،افغان ٹیم کیلئے شاہ پور زدران نے دو وکٹیں حاصل کیں، افغانستان نے مطلوبہ ہدف چار وکٹوں کے نقصان پر پورا کرلیا، نوروز مینگل نے پینسٹھ رنز کی ناقابل شکست اننگز کھیلی۔
