site
stats
پاکستان

افغان بارڈر پولیس کے سربراہ کا جنرل ہیڈ کوارٹرز راولپنڈی کا دورہ

راولپنڈی :پاکستان کے دورے پر آئے ہوئے افغان بارڈر پولیس کے سربراہ لیفٹنٹ جنرل شفیق فضلی کی سربراہی میں وفد نے جنرل ہیڈ کوارٹرز راولپنڈی کا دورہ کیا۔

آئی ایس پی آر کے مطابق افغان وفد کا یہ دورہ آرمی چیف جنرل راحیل شریف اور دیگر عسکری حکام کے افغانستان دوروں کا تسلسل ہے۔

جنرل ہیڈ کوارٹرز راولپنڈی دورے کے دوران انہوں نے چیف آف جنرل اسٹاف لیفٹنٹ جنرل اشفاق ندیم احمد سے ملاقات کی، ملاقات میں پاک افغان بارڈر کی صورتحال ، بارڈر سکیورٹی امور اور بارڈر کوآر ڈی نیشن معاملات پر بات چیت ہوئی۔

پاکستان اور افغانستان کی سکیورٹی فورسز کے مابین ملاقاتوں کا سلسلہ پاک فوج کے سربراہ جنرل راحیل شریف کے حالیہ افغانستان کے دوروں اور اعلیٰ افغان عسکری قیادت سے ملاقاتوں میں طے پانے والے امور کے تحت شروع ہوا ہے ، جس کا مقصد فوجی سطح پر تعاون کو فروغ اور استحکام دینا ہے۔

اس سلسلے میں کور کمانڈر پشاور لیفٹنٹ جنرل ہدایت الرحمان اور کور کمانڈر کوئٹہ لیفٹنٹ جنرل ناصر خان جنجوعہ نے افغانستان کے دورے کرکے اپنے ہم منصبوں سے ملاقاتیں کی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top