افغان صدر اشرف غنی آج پاکستان پہنچ رہے ہیں -
The news is by your side.

Advertisement

افغان صدر اشرف غنی آج پاکستان پہنچ رہے ہیں

اسلام آباد: افغانستان کے صدر اشرف غنی آج دو روزہ سرکاری دورہ پر پاکستان پہنچیں گے، گزشتہ ماہ اقتدار سنبھالنے کے بعد یہ ان کا پاکستان کا پہلا دورہ ہوگا۔

افغان صدر کو دورۂ پاکستان کی دعوت وزیرِاعظم نواز شریف نے دی تھی اور ان کا یہ دعوت نامہ وزیرِاعظم نواز شریف کے خصوصی مشیر برائے خارجہ ا مورسرتاج عزیز نے ان تک پہنچایا تھا، دفتر خارجہ کی ترجمان تسنیم اسلم کا ہفتہ وار بریفنگ میں کہنا تھا کہ افغان صدر اشرف غنی اپنے پاکستانی ہم منصب ممنون حسین اور وزیرِاعظم نواز شریف سے ملاقاتیں کریں گے۔

gha

 افغان صدر اشرف غنی کے ہمراہ ایک اعلیٰ سطح کا وفد بھی پاکستان آئے گا اور دونوں ممالک کے درمیان مختلف منصوبوں پر دستخط ہوں گے، صدر منتخب ہونے کے بعد اشرف غنی کا یہ پہلا دورۂ پاکستان ہو گا۔ افغان صدرکا یہ دورہ پاکستانی سول اور فوجی قیادت کے افغانستان کے دوروں کے تسلسل کے جواب میں کیا جارہا ہے۔

Comments

comments

یہ بھی پڑھیں