site
stats
عالمی خبریں

افغان صدر اور امریکی صدرکے درمیان ملاقات کا مشترکہ اعلامیہ جاری

واشنگٹن :افغان صدراشرف غنی اور امریکی صدراوباما کے درمیان ملاقات کا مشترکہ اعلامیہ جاری کر دیا گیا ہے، ملاقات میں دونوں رہنماؤں نے خطے میں امن کیلئے پاکستان کے کردار کو سراہا۔

وائٹ ہاؤس میں افغان صدر اشرف غنی نے امریکی ہم منصب براک اوباما سے ملاقات کی، ملاقات کے مشترکہ اعلامیہ میں کہا گیا ہے کہ افغانستان میں قیام امن کیلئے پاکستان کے تعاون سے طالبان کے ساتھ معاہدہ ہی کارگر ہوسکتا ہے۔

مشترکہ اعلامیہ کے متن کے مطابق امن معاہدے کی صورت میں طالبان کو افغانستان کے آئین کو ماننا ہوگا جبکہ طالبان سمیت دیگر تنظیموں کوشدت پسندی کا راستہ ترک کرنا ہوگا اور بین الاقوامی دہشتگرد گروہوں سے روابط ختم کرنے ہونگے۔

مشترکہ اعلامیہ میں بتایا گیا کہ پاکستان رواں سال کے آخرمیں خطے کے ممالک کی کانفرنس کی میزبانی کرے گا، جس میں خطے کی سیکیورٹی صورتحال کےحوالے سے اہم اُمور زیرغور آئیں گے۔

اس موقع پر براک اوباما نے افغانستان میں امریکی فوجیوں کی تعداد کم نہ کرنےاور فوجی معاونت جاری رکھنے کا اعلان کیا جبکہ افغان صدر نے یقین دہانی کرائی کہ افغانستان کی سرزمین دہشتگردی کیلئے استعمال نہیں ہونے دی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top