اسلام آباد: اقتصادی رابطہ کمیٹی نے درآمدی ایل این جی پرسیلز ٹیکس میں کمی کا فیصلہ کرلیا۔
وزیرخزانہ اسحاق ڈار کی زیرصدارت اقتصادی رابطہ کمیٹی کے اجلاس میں درآمد کی گئی ایل این جی پرسیلزٹیکس میں کمی کا فیصلہ کیا گیا ہے، ایل این جی پرسیلز ٹیکس سترہ فیصد سے کم کرکے پانچ فیصد کردیا جائے گا، اس کے علاوہ کمیٹی نے ایل این جی درآمد کیلئے ٹگ بوٹس خریدنے کی اجازت بھی دے دی ہے، یہ ٹگ بوٹس وزارت پورٹ اینڈ شپنگ خریدے گی ۔
اقتصادی رابطہ کمیٹی نے پیکیجزلیمٹیڈ کو بیرون ملک ایک کروڑ پچاس لاکھ ڈالرکی سرمایہ کاری کی اجازت بھی دے دی ہے، اقتصادی رابطہ کمیٹی کے اجلاس کا دوسرا دور کل پھرہوگا۔
