پنجگور: آرمی چیف جنرل راحیل شریف نے کہا ہے کہ گوادر پورٹ کیخلاف دشمنوں کے عزائم سے بخوبی آگاہ ہیں۔ گوادر پورٹ اور اقتصادی راہداری منصوبہ ہر قیمت پر مکمل کیا جائے گا۔ پاک فوج راہداری منصوبےکےخواب کی تکمیل ہرصورت میں کریگی۔
ان خیالات کا اظہار انہوں نے ضلع پنجگور کے دورے کے موقع پر کیا، تفصیلات کے مطابق آرمی چیف جنرل راحیل شریف نے راہداری منصوبے کی طرف میلی آنکھ سے دیکھنے والوں کو خبردار کردیا۔
"Gawadar Port&CPEC will be built as the most strategic deep sea port in the region at all cost”-5 pic.twitter.com/I8r1ADwetu
— AsimBajwaISPR (@AsimBajwaISPR) July 25, 2015
آئی ایس پی آر کے مطابق آرمی چیف جنرل راحیل شریف نے بلوچستان کے ضلع پنجگور کا دورہ کیا۔اس موقع پر اُنہوں نے اقتصادی راہداری منصوبےکےتحت زیرتعمیرسڑکوں کامعائنہ کیا آرمی چیف کوایف ڈبلیواوکی شاہراہوں سےمتعلق بریفنگ دی گئی۔
آرمی چیف جنرل راحیل شریف نے بلوچستان کی عوام کوخراج تحسین پیش کرتے ہوئے کہا کہ آٹھ سو ستر میں سے پانچ سو دو کلومیٹرسڑک کی تعمیرڈیڑھ سال سےکم عرصےمیں کرلی گئی ہے۔ آرمی چیف نے کہا کہ منصوبوں کی تعمیر کیلئے بلوچستان میں سیکورٹی اور پرامن ماحول ضروری تھا۔
Paid rich tribute to proud&valiant people of Bln, thanked for their unconditional coop&support for these projects-6 pic.twitter.com/ih2LJqcWDr
— AsimBajwaISPR (@AsimBajwaISPR) July 25, 2015
آرمی چیف نے صوبے کی سیکورٹی صورتحال میں بہتری پر قانون نافذ کرنے والے اداروں کی کارکردگی کو سراہتے ہوئے کہا کہ بیرونی امداد پر کام کرنے والے دہشتگردوں کیخلاف ایف سی اور پولیس کے کامیاب آپریشن قابل ستائش ہیں۔
آرمی چیف جنرل راحیل شریف نے بلوچستان کے عوام کو خراج تحسین پیش کیا اور منصوبوں کی تکمیل کیلئے بلوچستان کی عوام کی غیر مشروط حمایت کا شکریہ ادا کیا۔
انہوں نے کہا گوادرپورٹ کیخلاف دشمن کےعزائم سےآگاہ ہیں گوادرپورٹ اوراقتصادی راہداری کامنصوبہ ہرحال میں مکمل کیاجائیگا۔
آرمی چیف کا کہنا تھا کہ اقتصادی راہداری خطے کی خوشحالی کیلئے بہت اہم ہے ۔آرمی چیف نےمنصوبےپرفرنٹیئرورکس آرگنائزیشن کےکام کوسراہتے ہوئے قومی منصوبےکی تکمیل میں جانیں قربان کرنیوالوں کوخراج عقیدت پیش کیا۔
