The news is by your side.

Advertisement

اقوام متحدہ نے سمندری حدود میں اضافے کا پاکستانی دعویٰ تسلیم کرلیا

نیویارک : اقوام متحدہ نے سمندری حدودمیں اضافے کا پاکستانی دعویٰ تسلیم کرلیا ہے، پاکستانی سمندری حدود دو سو سے بڑھ کر ساڑھے تین سو ناٹیکل میل ہوگئی ہے۔

ترجمان پاک بحریہ کے مطابق پاکستانی سمندری حدود دو سو سے ساڑے تین سو ناٹیکل میل ہوگئی ہے، اقوامِ متحدہ کے کمیشن برائے سمندری حدود نے اپنا جائزہ مکمل کرنے کے بعد سمندری حدود میں اضافے کا پاکستانی دعویٰ تسلیم کر لیا ہے۔

موجودہ دو لاکھ چالیس ہزار مربع کلومیٹر کے خصوصی اقتصادی زون میں پچاس ہزار مربع کلومیٹر اضافی کانٹی نینٹل شیلف پاکستان کے زیرِ انتظام آگیا ہے۔

ترجمان پاک بحریہ کے مطابق پاکستان کو اضافی شیلف کے سمندری وسائل پر مکمل اختیار ہوگا، سمندری حدود میں اِضافے کا منصوبہ دو ہزار پانچ میں شروع کیا گیا تھا۔

ترجمان پاک بحریہ کے مطابق پاکستان خطے کا پہلا ملک ہے، جس کے کانٹی نینٹل شیلف میں اضافہ ہوا۔یہ تاریخی کامیابی آنے والی نسلوں کی معاشی ترقی کا پیش خیمہ ثابت ہوگی۔

Print Friendly, PDF & Email

Comments

comments

یہ بھی پڑھیں